TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ministrja e Punëve të Jashtme dhe Diasporës, Donika Gërvalla ka reaguar pas paralajmërimit të presidentit francez Emmanuel Macron për pezullim të vizave.
Gërvalla në një postim në “X” ka shkruar “Et viola” që nga gjuha frënge ka kuptimin “Ja pra” ndërsa pranë ka vendosur flamurin francez.
— Donika Gërvalla-Schwarz (@gervallaschwarz) October 17, 2023
E pas këtij reagimi të Gërvalles, kanë ardhur reagime në drejtim të saj.
Ish-kryetari i Prishtinës, Shpend Ahmeti ka shkruar gjithashtu në “X” se për kënd është ky postim i ministres Gërvalla dhe çfarë kuptimi ka?
“Kush është audienca e këtij postimi në Twitter të ministres tonë të Jashtme? Çfarë do të thotë? Votuesit e Kosovës? Bashkimi Evropian? Amerikanët? Audienca e drejtësisë në botë? Thirrni ambasadorin francez, kërkoni që ai të sqarojë. Këto deklarata nuk bëjnë asgjë”, ka shkruar Ahmeti.
Edhe njohësi i marrëdhënieve ndërkombëtare Visar Xhambazi ka reaguar ndaj deklaratës së ministres Gërvalla.
Ai ka ironizuar me reagimin e ministres duke shkruar “Diplomacia në aksion”.
Ironi kanë bërë edhe nga Partia Socialdemokrate të cilën kanë modifikuar reagimin e Gërvalles duke zëvendësuar fjalën “Et viola” me “Eh Valla”.
Ministria e Jashtme ka reaguar pas deklaratës së presidentit francez, Emmanuel Macron, në Tiranë rreth çështjes së liberalizimit të vizave për Kosovën, e cila duket se u përkthye gabimisht nga Zyra e Kryeministrit të Shqipërisë se “Franca ka pezulluar” vizat për Kosovën.
Ministria thotë se institucionet e Republikës së Kosovës deri më tani nuk kanë pranuar asnjë vendim tjetër zyrtar për çështjen e liberalizimit të vizave.
Madje, Ministria e udhëhequr nga Donika Gërvalla thotë se “duket madje edhe të jetë interpretuar gabimisht”.
Më pas Ministria ka treguar mbi procedurat se si do të mund të kthehej vendimi për liberalizim të vizave.
“Vendimet për miratim, pezullim apo shtyrje të liberalizimit të vizave merren në nivel të Bashkimit Evropian, e jo të shteteve anëtare. Procedurat e tilla i kanë afatet e caktuara kohore dhe vendimet merren me shumicën e paraparë të votave. Nuk kemi asnjë informacion që një procedurë e tillë të jetë kërkuar apo nisur lidhur me liberalizimin e vizave për qytetarët e Republikës së Kosovës”.
