TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Interpol Tirana njoftoi finalizimin e një operacioni ekstradimi nga Zagrebi në Shqipëri, të shtetasit A. Ll., 51 vjeç, lindur në Lezhë, i shpallur në kërkim ndërkombëtar për veprën penale “Prodhimi dhe shitja e narkotikëve”.
Shtetasi A. Ll. ishte në arrati që prej vitit 2023, kur Gjykata e Lezhës i caktoi masën e sigurisë “Arrest në burg”.
Ai dyshohet se ka qenë i përfshirë në një rast të transportimit të një sasie lënde narkotike të llojit Cannabis Sativa, me qëllim shitjen, ngjarje e ndodhur pranë mbikalimit të Rrëshenit dhe goditur nga Policia vitin e kaluar.
Autoritetet shqiptare konfirmuan se shtetasi tashmë ndodhet në Shqipëri dhe do të përballet me drejtësinë për akuzat që rëndojnë mbi të.
