TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryeministri Edi Rama sërish ka bërë një reagim në lidhje me ato që ai deklaroi për SPAK në Asamblenë e Partisë Socialiste. Sipas kreut të qeverisë, Ilir Meta është armiku numër një i reformës në drejtësi.
Sipas tij, SPAKU ka pasur, ka dhe do të ketë mbështetjen e palëkundur të qeverisë, por Shqipëria e shqiptarët, thote ai, meritojnë një drejtësi të drejtë, të gjithanshme e të guximshme dhe e meritojnë atë pa humbur kohë e pa shmangur peshkaqenët me nam botëror të pushtetit gjyqësor apo politik.
“Unë nuk i heq asnjë presje asaj që deklarova sot dhe nuk mjafton që SPAKU të thotë se e paska pushuar çështjen, pasi faktikisht e mori peng gjykatësin në fjalë pa asnjë arsye në botë, duke i shkuar praktikisht pas avazit Armikut NR.1 të Reformës në Drejtësi, Ilir Metës!
Po meqë ka marrë përsipër të sqarohet publikisht, SPAKU do të duhej të sqaronte pse reagoi rrufeshëm, për një kallëzim absurd për një vepër penale imagjinare të njeriut të shpallur nga DASH kampion i antikorrupsionit,ndërkohë që për kampionët e korrupsionit në drejtësi s’ka lëvizur ende gishtin!
SPAKU ka pasur, ka dhe do të ketë mbështetjen tonë të palëkundur, por Shqipëria e shqiptarët meritojnë një drejtësi të drejtë, të gjithanshme e të guximshme dhe e meritojnë atë pa humbur kohë e pa shmangur peshkaqenët me nam botëror të pushtetit gjyqësor apo politik”, ka shkruar Rama.
Ndërkohë në një tjetër reagim ndaj ish-kryeministri Berisha, Rama u shpreh: “Këto janë rastet kur duhet kujtuar se ata që janë shpallur Nongrata, janë po ata që e shpallën Nongrata shërbimin shëndetësor në Shqipëri, të cilin me punë, mund e durim ne po e rilindim hap pas hapi, jo vetëm në spitale po edhe në qendrat shëndetësore, si kjo qendër e re në Fier e si qindra të tjera deri në zonat më të largëta, nga Veriu në Jug”.
