TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryeministri Edi Rama u kërkoi ndjesë shqiptarëve për gabimet e bëra gjatë qeverisjes së tij.
Gjatë ceremonisë së gritjes simbolike të flamurit të Evropës në ambientet e Kryeministrisë, me rastin e çeljes së negociatave, Rama tha se ndihet krenar që është pjesë e rrugëtimit evropian të vendit dhe shtoi se gabimet e bëra prej tij nuk burojnë nga qëllimi për të përfituar në kurriz të shqiptarëve.
“I falënderoj sot me përulësinë më të thellë sot të gjithë shqiptarët që me përulësinë e tyre më bën pjesë kaq të rëndësishme të këtij udhëtimi.
Ju kërkoj thellësisht ndjesë për gabimet e mia, ato që di apo nuk di, duke i siguruar se asnjë prej tyre nuk buron nga qëllimi për të përfituar në kurriz të të tjerëve.
Nga thellësia e shpirtit ju them sot të gjithëve se kurrë nuk kam qenë më i bindur dhe më i motivuar për ta fituar besimin e tyre. Zoti i bekoftë shqiptarët, zoti e bekoftë Shqipërinë evropiane”, tha Rama.
