TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
21-vjeçari Sandriano Kastrati është arrestuar nga Policia e Dibrës, pasi u kap duke transportuar emigrant të paligjshëm.
21-vjeçari është arrestuar nga dalje të Peshkopisë, ndërsa ishte duke transportuar tre emigrantët me mjetin tip ‘Ford’, kundrejt shpërblimit.
Vijojnë hetimet për identifikimin e personave të tjerë të përfshirë.
Njoftimi nga Policia/Informacion
U kap duke transportuar 3 emigrantë të paligjshëm, vihet në pranga 1 shtetas.
Strukturat e Hetimit Kundër Trafikut të Paligjshëm dhe të Narkotikëve në DVP Dibër në bashkëpunim me Shërbimet e Komisariatit të Policisë Dibër, kanë goditur një tjetër rast të aktivitetit kriminal të dhënies së ndihmës shtetasve të huaj për kalim të paligjshëm të kufirit, kundrejt shpërblimit, si rezultat i të cilit u bë arrestimi në flagrancë i shtetasit S. K., 21 vjeç, banues në Tiranë.
Shtetasi i mësipërm është kapur nga shërbimet e policisë, në dalje të qytetit të Peshkopisë, me mjetin tip ‘Ford’, duke transportuar 3 emigrantë të paligjshëm, të cilëve kundrejt shpërblimit iu kishte premtuar kalimin në pikën e kalimit kufitar të Morinës, me destinacion më pas drejt vendeve të BE-së.
Vijojnë hetimet për identifikimin e personave të tjerë të implikuar në këtë aktivitet kriminal.
Materialet në ngarkim të tij i kaluan Prokurorisë së Rrethit Gjyqësor Dibër për veprën penale “Ndihma për kalim të paligjshëm të kufijve”, dhe “Drejtim i automjetit në mënyrë të parregullt”.
