TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Baza ajrore e Kuçovës do të inaugurohet me një ceremoni më datë 4 mars, ndërsa po bëhen edhe përgatitjet e fundit. Kryeministri Edi Rama ka ndarë pamjet e brendshme të kësaj godine.
Kreu i qeverisë shkruan se baza e Kuçovës do të luajë rol kyç në mbështetjen e operacioneve të NATO-s.
“MIRËMËNGJESI dhe nga Baza Ajrore Taktike e NATO-s që hapet së shpejti në Kuçovë, e cila do të luajë një rol kyç në mbështetjen e operacioneve dhe stërvitjeve të NATO-s, duke shërbyer edhe si një qendër për aktivitetet e Forcave Ajrore, me infrastrukturë të avancuar për avionët luftarakë dhe ata të transportit të Aleancës, ju uroj një ditë të mbarë”, shkruan Rama.
