TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Janë zbardhur detaje të reja tronditëse nga krimi i rëndë në familjen shqiptare në Greqi ku 40-vjeçari Pandeli Nakoleci vrau bashkëshorten Mariola në sy të fëmijëve.
Fillimisht çifti u përfshi në një konflikt të rëndë atë mëngjes, gjë kjo e dëshmuar dhe nga fëmijët e tyre të mitur.
Pas këtij konflikti, në gjaknxehtësi e sipër, ka goditur me një mjet prerës bashkëshorten e tij. Ky mjet, përdoret për pjekje dhe imiton përdorimin e thikës.
36-vjeçarja, me aq fuqi sa i kishin mbetur, ka nxituar për të dalë nga shtëpia, duke arritur kështu deri tek hyrja kryesore e pallatit ku ata jetonin.
Ka qenë djali i tyre 13-vjeçar, i cili iu hodh në qafë të atit nga pas, në përpjekje për të ndaluar më tej krimin, raporton media greke taxydromos.gr.
E pranishme dhe vajza tjetër e çiftit, 16 vjeçe, ajo shkoi pranë së ëmës, e cila dha frymën e fundit në prehrin e së bijës.
Krimi i rëndë nga 40-vjeçari, ka sjellë gjithashtu dhe mohimin e ekzistencës së tij për fëmijët, pasi vajza 18-vjeçare u shpreh “Për mua edhe ai vdiq”.
Autori, po hetohet për veprat penale “vrasje me dashje” si rezultat i dhunës në familje.
Vrasësi shqiptar 40-vjeçar që kreu masakrën në Greqi duke i marrë jetën gruas së tij mbështet versionin se viktima ishte shtatzënë nga një burrë tjetër.
Pandeli Nakoleci pretendon se nuk kishte ndërmend ta vriste, por ta frikësonte. Sipas të akuzuarit, 36-vjeçarja i pranoi atij se kishte një lidhje paralele me një burrë tjetër dhe se fëmija me të cilin ishte shtatzënë ishte nga partneri i saj i ri.
40-vjeçari tha se ishte penduar për krimin që kishte kryer. “Ajo fliste me të tjerët në Facebook dhe ishte xheloz”, i tha ai MEGA-s.
“E doja shumë gruan time, në mënyrë patologjike. Nuk kisha planifikuar ta vrisja ose ta lëndoja, doja vetëm ta trembja me atë. U çmenda, humba mendjen, mendja ime u shua kur ajo më tha se fëmija që kishte humbur nuk ishte i imi dhe se do të më dërgonte foto dhe video me partnerin e saj të ri. Dyshimet e mia u konfirmuan. Që nga Pashkët e tutje, filloi e keqja. Një palë e tretë na shkatërroi jetën”, pohoi ai.
Të martën, më 26 gusht, 40-vjeçari pritet t’i kërkojë falje hetuesit, pasi të dielën kërkoi dhe mori një afat nga prokurori.
“E pashë të gjithën kur edhe mamaja ime u ther me thikë”
“Ata u grindën sepse babai im ishte shumë xheloz, prandaj e bëri. Ata ishin grindur më parë, por nuk ishte kështu. Ne ishim mirë. Kohët e fundit ai filloi të ndërtonte. Ai punonte normalisht. Ai ishte normal. Ai nuk bërtiste, nuk pinte, asgjë nga këto. Nëna ime bërtiste ‘ndihmë, ndihmë’. Ai po shikonte telefonin e saj”, tha vajza e çiftit për MEGA, ndër të tjera, duke përshkruar momentet tronditëse para vrasjes.
“Isha përpara. Nëna ime bërtiste ‘ndihmë, ndihmë’ dhe ai e bëri shpejt dhe iku. Pashë gjithçka, dhe kur e goditi me thikë dhe kur ajo po bërtiste dhe kur e tërhoqi nga flokët dhe e hodhi përtokë dhe gjithçka.”
“Ata ishin në dhomë, po bërtisnin. Nuk i kushtova shumë vëmendje, edhe unë po flija. Pastaj mami filloi të thoshte ‘do të më vrasësh’ dhe ajo tha ‘fute të voglin brenda’ dhe pastaj mami filloi të vraponte dhe pastaj u lodh. Ishim unë dhe vëllai im, ai është 13 vjeç”, shtoi ajo.
