TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ka hyrë në ditën e tretë bojkoti i mësimit nga pedagogët.
Sindikata e pedagogëve ka paralajmëruar mbajtjen e një proteste kombëtare më 20 tetor në orën 11:00.
Ndërkohë që pedagogët dhe studentët që kanë dalë në mbështetje të tyre shprehen të vendosur se bojkoti i mësimit do të vijojë deri kur të gjendet një zgjidhje për kërkesat e tyre.
Një nga pedagogët në Universitetin e Tiranës u shpreh:
“Protesta do të vijojë me bojkot pa ndërprerje deri në realizimin e kërkesave në peticion.
Kërkesa për rritjen e pagave është thelbësore nuk është turp që njeriu të kërkojë të paguhet më mirë, të plotësojmë nevojat të kemi e një makinë të bëjmë e pushime, nuk është shqetësim, ai është i prerë mesa duket dhe ne jemi të prerë në qëndrimin tonë.
Në 2017 ka pasur rritje me 10% të pagave e përpara vitit 2017 ka qenë 2012.
Kërkesat e tjera janë njëlloj të rëndësishme sa rritja e pagave, universiteti përcakton të ardhmen e vendit.
Me keqardhje u them studentëve që bojkotin ne duhet ta vijojmë, e kanë kuptuar, janë duke na mbështetur, pothuaj të gjithë po na mbështesin se e kuptojnë që një universitet i mirë do të bëjë që ata të marrin një diplomë që do u hapë dyert e jetës”.
