TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Gazetarja Alba Kepi, e ftuar në emisionin "Të Paekspozuarit" në MCN TV, ka folur për skandalin që ka shpërthyer në Itali me diplomat fallco nga një universitet shqiptar.
Kepi tha se nëntë persona u lanë në arrest me burg, për shkak të rrezikshmërisë së kësaj çështje. Ajo shtoi se diplomat përdoreshin në sistemin arsimor dhe shëndetësor italian.
"Skandali ka nisur pas një denoncimi që ka bërë një italian i cili ka verifikuar se diploma që ka lëshuar ky ent, ishin vula fallco. E kishin verifikuar kur kishin bërë kërkesë për ta njohur këtë diplomë. Ka ardhur përgjigje negative dhe ka bërë denoncimin.
Operaiconi titullohet “Zero Titoli” dhe kemi 40 persona të rregjistruar si persona nën hetim dhe nëntë persona të arrestuar. Ndër ta janë edhe dy pronarë të universitetit Wisdom, akredituar në Shqipëri në vitin 2021.
Xhiro e kësaj afere shkon në mbi 10 milionë euro. Si ka mundësi që vihen nëntë persona në arrest me burg, kur nuk kemi të bëjmë me pjesëmarrje në aktivitet mafioz? Por ishte specifikuar sepse rrezikshmëria ishte alarmuese.
Citohen prokurorët, që e quante alarmuese dhe të detyrueshme vënien nën arrest me burg, sepse ishin mashtruar me diploma fallco por përdoreshin për sistemin publik italian, në arsim dhe shëndetësi.
Për të vazhduar, atë që tha Bushati, kemi kaluar në nivel korrupsioni mjaft të zhvilluar, nga një diplomë e Umberto Bossi, te diploma fallco për sistemin publik italian në arsim dhe shëndetësi.
Nga korrupsioni, duke korruptuar një drejtor policie me sallam derri, te korrupsioni i drejtoreshës së agjencisë së sigurisë së arsimit të lartë, me çantë Louis Vuitton, çantë e dorëzuar personalisht drejtoreshës. Këtë e thonë përgjimet me numër telefoni dhe përgjimet ambientale.
Një tjetër element, kishin kaluar përtej marrjes së akreditimit, por kishin nisur, kërkesat për të kryer marrëveshje me një universitet në Itali për të bërë njohje të dyfishtë.
Madje kanë falsifikuar edhe firmën e rektorit aktual, të Wisdom. Personat që ishin në universitetin Italian nuk ishin bindur. Pra kishin menduar të rrisnin nivelin korruptiv edhe më lartë.
Ka edhe një element tjetër, të gjithë ortakët bien në kurthin e një sherri mes tyre, saqë mendoj se edhe shkarkimet që ka bërë Rama e ka bërë nga sinjalizimet që ka patur. Kur ortakët kanë një grindje mes tyre, një prej tyre bën denoncim në ambasadën italiane në Tiranë dhe thonë kujdes se po shpërndahen diploma fallco.
Aktivizohet ky sistem hetimor që shtrihet edhe më gjerë", tha Kepi.
