TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një konflikt për parkimin mes një grupi shtetasish turq dhe një banori vendas ka përfunduar me dhunë fizike dhe plagosjen e një personi.
Policia e Sarandës ka arrestuar shtetasin turk Hasan Dembiras, 26 vjeç, lindur në Turqi dhe banues në Kosovë, si autorin kryesor që ka goditur 54-vjeçarin Adriatik Mollanji, banor i zonës.
Ngjarja ndodhi mbrëmjen e djeshme, kur përplasja verbale mes palëve degjeneroi në konflikt fizik. Gjatë përplasjes, Mollanji është shtyrë dhe ka rënë në tokë, duke pësuar lëndime në pjesën e pasme të kokës. Ai u dërgua menjëherë në Spitalin e Sarandës dhe fatmirësisht ndodhet jashtë rrezikut për jetën.
Policia shoqëroi në Komisariat të gjithë grupin e shtetasve turq, ndërsa pas hetimeve të para, vendosi arrestimin e Dembirasit, si personi që kreu dhunën fizike.
Hetimet po vijojnë për zbardhjen e plotë të rrethanave të ngjarjes. Policia bën thirrje për qetësi dhe respektim të ligjit, veçanërisht në zonat turistike ku fluksi i vizitorëve është i lartë.
