TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Detaje të reja zbulohen në lidhej me vrasjen e ndodhur mbrëmjen e djeshme në Sarandë.
Mësohet se autori Admir Beqiri, 42 vjeç e ka goditur me shishe e grushte 65-vjeçarin Gëzim Bizgjoni, ndërsa dyshimet janë se ka përdorur edhe sëpatë, duke e lënë të vdekur në vend.
Trupi i viktimës është nisur drejt Institutit të Mjekësisë Ligjore në Tiranë për të kryer ekspertizën.
Viktima punonte në ndërtim me mure guri dhe gëzonte respekt në komunitet, pa krijuar asnjëherë shqetësime. Nuk dihet arsyeja se pse Bizgjoni strehonte Admir Beqirin, duke ditur që ky i fundit është banor autokton në Gjashtë dhe ka shumë familjarë të tij në këtë fshat.
Policia ka nisur hetimet për ngjarjen dhe mendon se e pranishme ka qenë edhe një shtetase femër, e cila është larguar nga vendngjarja. Kjo e fundit është bashkëjetuesja e Admir Beqirit.
