TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Dënimi me 3 vite e 4 muaj burg i ish-ministrit të Brendshëm, Saimir Tahiri, nuk ka kaluar pa vëmendjen e mediave fqinje.
Gazeta greke "Kathimerini", shkruan në një artikull të saj për dënimin e ish-ministrit të Brendshëm. Ajo shpjegon se si Tahiri u shpall fajtor në 2019 për shpërdorim detyre në kohën që ishte ministër, në vitet 2013-2017. Më tej, kjo media e quan ish-ministrin si një ish-aleat të ngushtë të kryeministrit Edi Rama:
“Tahiri ka qenë dikur aleat i ngushtë i kryeministrit Edi Rama. Rasti i tij, megjithatë, nuk ndikoi në popullaritetin e Ramës, i cili siguroi një mandat të tretë si kryeministër në zgjedhjet e prillit 2021.
Ndërsa edhe në Itali, mediat kanë folur për këtë dënim të bujshëm. Agjencia e Lajmeve Nova, shkruan se Gjykata e Apelit dënoi ish-ministrin socialist, duke treguar me detaje të gjithë odisenë e tij me organet e drejtësisë. Sakaq, vlen të përmendet se nga sot, ish-ministri Tahiri do të jetë në burg. Ai ka të drejtë rekursi në Gjykatën e Lartë, të drejtë të cilën avokatët e tij thanë se do e shfrytëzojnë.
Edhe mediat serbe kanë shkruar për dënimin e Tahirit. "Blic" e Beogradit i ka kushtuar artikull dënimit të Saimir Tahirit me burgosje.
