TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Janë publikuar pamjet e momentit kur Olsi Bllaci plagosi fqinjin e tij, Jonian Shehu mbrëmjen e së enjtes në zonën e njohur si “Kodra e Diellit” në Tiranë. Ngjarja ndodhi pas një konflikti për motive banale.
Tv Klan ka siguruar pamjet e kamerave të sigurisë të një prej pallateve pranë vendit ku ndodhi ngjarja. Fillimisht konflikti ka qenë verbal dhe më pas ka degraduar në përdorimin e armës.
Siç shihet nga pamjet 35-vjeçari, Shehu del nga pallati me vrap në tentativë për t’u larguar, por Olsi Bllaci e ndjek nga pas për ta qëlluar. Ndjekja vazhdon për disa sekonda. Më pas Bllaci hap zjarr në drejtim të fqinjit të tij. Ndonëse i plagosur ai arrin të largohet me vështirësi nga ngjarja.
Në pamje shihet se shfaqet dhe një zonjë. Ajo rezulton të jetë bashkëshortja e Olsi Bllacit, i shpallur në kërkim për këtë ngjarje. Referuar hetimeve të kryera nga policia dhe prokuroria shkak i konfliktit është bërë zhurma që bënte fëmija i mitur i autorit të dyshuar, që ka çuar më pas në përplasjen mes prindërve.
I plagosuri vijon të jetë ne spital nën kujdesin e mjekëve, jashtë rrezikut për jetën. “Kodra e diellit” është një zonë e njohur rezidenciale në Tiranë. /Tv Klan
