TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ish-ministri i Drejtësisë dhe ish-deputeti i Partisë Demokratike, Eduard Halimi ka kujtuar takimin e fundit me të ndjerin Sokol Olldashi në 10 vjetorin e ndarjes së tij nga jeta. Ai tregoi dhe kafen e fundit me Olldashin, i cili humbi jetën në një aksident tragjik me makinë.
Reagimi i plotë:
10 vjet pa ty i dashur shok, mik, vëlla!
Kafja jonë e fundit, si sot 10 vjet më parë, e mërkurë, tek “Kotoni”! Debatuam atë ditë për gjëra aq pa rëndësi sot! Nuk e dinim se ishte e fundit kafe, e fundit herë, i fundit debat!
Të nesërmen të enjten, do mblidheshim tek Eri në Durrës (Ervin Qehajaj) e pastaj të hënën ti ishe ftuar në Opinion, debatuam edhe për ato që kishe vendosur të thoje tek Blendi Fevziu
E lamë të pinim kafe në darkë, por… nuk e pimë dot kurrë, teksa pak orë më vonë me Astrit Patozi shkuam në familjen tënde pa ty!!
I paharuar do jesh miku im i dashur, i pazëvendësueshëm në gjithshka!!
