TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Komisionerja për Zgjerimin, Marta Kos, ka reaguar pas debateve në Kuvend për projektligjin për barazinë gjinore, ku Sali Berisha sulmoi ambasadorin e BE-së, Gonzato.
Berisha iu referua ligjit si një instrument që çon "qenien njerëzore në kafshëri" dhe përmendi orientimin seksual të ambasadorit të BE-së, Silvio Gonzato, që nuk ka asnjë lidhje me projektligjin në fjalë.
Kos deklaron se barazia gjinore dhe mosdiskriminimi janë pjesë integrale e ligjit të BE-së.
Gjithashtu, ajo nënvizon se linjëzimi i legjislativit të vendit me këto parime të BE, është pjesë e procesit të pranimit të Shqipërisë në Union. Ajo bën thirrje që të mos sulmohet ambasadori i BE-së.
"Barazia gjinore dhe mosdiskriminimi janë pjesë integrale e ligjit të BE-së. Përputhja me të është pjesë e procesit të pranimit në BE. Kjo nuk është një kërkesë private e Ambasadorit të
BE në Shqipëri. Çdo sulm ndaj tij është i papranueshëm",- thotë Kos.
