TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Shpallen rezultatet e provimit të parë të Maturës Shtetërore, atij të gjuhës së huaj, Anglishtes. Ky lajm është bërë i ditur nga ministrja e Arsimit, Evis Kushi, përmes një statusi në Facebook.
Ministrja shprehet se për provimin e Gjuhës së Huaj; “kalueshmëria është 96% dhe me notën 10 janë vlerësuar rreth 24% e maturantëve”.
REAGIMI:
Jam optimiste për rezultatet e para të maturantëve tanë në provimin e gjuhës së huaj të Maturës Shtetërore. Gëzohem që një pjesë e mirë e tyre kanë shkëlqyer me rezultate të larta. Kalueshmëria është 96% dhe me notën 10 janë vlerësuar rreth 24% e maturantëve.
Suksese të gjithëve edhe në provimet e radhës dhe ju bëj thirrje të gjithë nxënësve dhe mësuesve që të vijojmë të respektojmë rregulloren me korrektësi maksimale dhe të garantojmë së bashku një proces mature të qetë e me standarde!
