TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryetari i PD-së, Sali Berisha, aludoi publikisht sot, se deputeti i PS-së dhe ish-ministri i Transporteve dhe Energjisë, Damian Gjknuri, ka qenë i pranishëm në takimin e Arubës, në vitin 2019, ku u mblodhën krerë të mafies shqiptare të drogës për të vendosur investimin e miliardave të trafikur në ekonominë shqiptare. Berisha e sfidoi Gjiknurin duke i thënë të betohej mbi bibël, meqë Gjiknuri është ortodoks.
Kreu i PD, Sali Berisha akuzoi në sallën e kuvendit ish-kreun e SPAK, Altin Dumanin se ka fshehur emrat e funksionarëve të lartë që ishin në Aruba, në ishullin e famshëm ku pati një takim mes Artur Shehut, vëllezërve Osmani dhe disa trafikantëve të tjerë të drogës që ishin në përgjim nga autoritetet spanjolle. Sipas Berishës, Dumani ka fshehur emrat e ëngjëll Agaçit, ish-sekretarit të përgjithshëm të kryeministrit Edi Rama, ka fshehur emrin e Olsi Ramës, vëllait të kryeministrit dhe të Damian Gjiknurit, ish-ministër i energjisë.
Damian Gjiknuri, i vetmi nga këta që ishte në sallën e kuvendit, ka kundërshtuar deklaratat e Sali Berishës, por ky i është përgjigjur "edhe sikur të mos kesh qenë, të gjithë për ty flasin" dhe salla e kuvendit ka shpërthyer në të qeshura.
Në fakt, dosja e SPAK për takimin në Aruba nuk ka emra konkretë por sipas të dhënave nga autoritetet spanjolle, bashkë me trafikantët shqiptarë ka pasur edhe funksionarë shtetërorë që do të garantonin mbështetje politike për projektet e pastrimit të parave dhe investimet strategjike.
Pjesë nga fjala e Berishës
Me asnjë shpifje nuk e lan dot veten tënde.
Damian, dil e bëj be këtu që nuk ke qenë.
Dil betohu këtu që nuk ke qenë në Aruba.
Kurse për sa i përket asaj, të garantoj që gjithçka është trillim dhe vetëm trillim.
Fatmirësisht dosjen e ka në dorë një armik i imi që quhet Troplini, Altin Troplini, Altin Gjoka.
Ai e ka dosjen.
Dhe ai mezi do priste të shihte.
Kurse ty të fsheh ai, Olsi Ramën e fsheh ai, Engjëll Agaçin e fsheh ai.
Nuk e fsheh për ty, nuk e fsheh për Engjëllin, e fsheh për Edi Ramën.
Tani, në qoftë se ti thua nuk kam qenë, dil bëj be këtu në Bibël, betohu, vëre këtu Biblën dhe lahu para shqiptarëve.
Laju para shqiptarëve, bëj be.
Po nuk bën dot be.
Dil, provoje.
Hajde, provoje.
Kërkoji atij që t’i publikojë për të vërtetuar që nuk je ti.
Kërkoni t’i publikojmë, nuk kërkoni dot, nuk u lejon Edi Rama.
Nuk u lë Edi Rama.
Ata hapin llafet. Për ty, llafet janë të tyret.
