TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Që prej orës 17:00 vijon protesta e opozitës e shtrirë në disa qytete. Sekretari për Çështjet Ligjore në PD, Ivi Kaso u pyet nga gazetarët nëse do të ketë përplasje mes protestuesve dhe policisë. Ai u përgjigj duke thënë se “ne nuk kemi arsye për t’u frikësuar përplasjes me policinë, për sa kohë ne nuk provokojmë të parët”.
“Ashtu siç ishte paralajmëruar filloi etapa e paracaktuar e mosbindjes civile që ka të bëjë me bllokimin e qarkullimit. Sigurisht përballemi me qytetarë që kanë vështirësi në qarkullim. Opozita kishte kujdesin që të lajmëronte qytetarët për qarkullim. Ne kërkojmë mirëkuptimin e qytetarëve. Ne e quajmë këtë bllokadë qytetarët, deri më tani nuk është shënuar asnjë incident dhe urojmë që të mos shënohen. Deri më tani policia e Shtetit ka marrë masa. Jemi të vendosur ta çojmë këtë përpjekje para.
Nuk kemi dyshime që do ketë procedime penale. Policia e ka bërë këtë në çfarëdo proteste. Është një tubim në formë tubimi. Është bërë njoftimi i parakohshëm. Policisë i kërkojmë që të bëjë më të mirën. Ne nuk kemi arsye për t’u frikësuar përplasjes me policinë, për sa kohë ne nuk provokojmë të parët.”, tha ai.
