TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një situatë jonormale dukej, ajo ku eurodeputeti Fredi Beleri gjatë vizitës në Tiranë, në kuadër të mbledhjes së 18 të Komisionit të Stabilizim-Asociimit BE-Shqipëri, iu desh të priste për pak çaste përpara derës së Kuvendit.
Në lidhje me këtë ngjarje, ka reaguar zyrtarisht Kuvendi. Sipas Kuvendit, Belerit nuk i është mbyllur dera, por se ka ardhur me vonesë.
“Për të sqaruar lajmin e rremë të përhapur nga burime jodashamirëse lidhur me “mbylljen e derës” së eurodeputetit Fredi Beleris, informojmë opinionin publik si vijon:
Delegacioni i Parlamentit Europian ka mbërritur në Kuvend në orën 10:30 dhe është pritur nga Protokolli i Kuvendit për të zhvilluar takimet me perfaqësues të grupeve parlamentare sipas programit të dakortësuar.
Europarlamentari Beleris ka mbërritur në Kuvend në orën 11:10 dhe ka hyrë nga dera e pritjeve protokollare për t’u bashkuar me kolegët e tij në takimin që po zhvillohej. Çdo version tjetër që i është servirur publikut është i gënjeshtërt. Zyra e Shtypit e Kuvendit të Shqipërisë”, thuhet në njoftimin e Kuvendit.
