TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Studentët e Mjekësisë ishin sot të pranishëm në Komisionin e Shëndetësisë për të diskutuar në lidhje me vendimin e qeverisë për të kushtëzuar diplomimin e tyre me 5 vite punë në Shqipëri.
Njëri prej tyre renditi disa nga vështirësitë me të cilat do të përballen bluzat e bardha, veçanërisht ato në rrethe ku mungon infrastruktura e duhur për mjekimin dhe diagnostifikimin e pacientëve. Ai shtoi se kjo i privon mjekët edhe nga dy punësimi në spitale private apo firma farmaceutike.
“Duke i detyruar mjekët e sapo diplomuar të punojnë në zona të Shqipërisë mund të ndikojnë në formimin e tyre të mëtejshëm. Ka mungesë të theksuar të mediakmente dhe metodave të diagnostifikimit në rrethe të ndryshme në Shqipëri.
Duke mos pasur kushtet e duhura për të zhvilluar diagnostifikimin ashtu si duhet edhe zhvillimi profesional i mjekëve do të jetë i cenuar. Mjekët që do të punojnë në këtë spitale nuk do të kenë mundësinë e dy punësimit. Duke i çuar në qytete të largëta ata privohen nga mundësia të punojnë paralelisht edhe në një spital privat dhe në një firmë farmaceutike.
Im atë është mjek, nga një projektligj i tillë u detyrua që të punonte larg. Shteti i dhuroi një stetoskop, sot neve as stetoskopi nuk na ofrohet.
Shërbimi mjekësor është dëmtuar rëndë. Nuk besoj se nuk ka prej jush që të ketë shkuar në spital e të ketë kryer një ndërhyrje. Shumica janë mjekë të specializuar ndaj vendit. Elita janë mjekët e specializuar jashtë vendit,"-tha studenti.
