TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Gjinekologu Albert Lila nga Instituti i Mjekësisë së Punës në Gjakovë, rezulton i infektuar me COVID-19.
Mediat vendase raportojnë se ai është infektuar nga gruaja shtatzënë, e cila humbi jetën një ditë më parë. Mësohet se mjeku e ka marrë virusin gjatë vizitave që gruaja ka kryer në spital.
“Kisha një koll të thatë si diçka që të mbet në fyt dhe një ndjesi që po bllokohej fryma. Këto simptoma ishin në ditën e gjashtë dhe të shtatë. Sot është dita ime e tetë dhe lirisht mund të them se po ndjehem mirë”, rrëfen Albert Lila për emisionin Radar në RTV Dukagjini.
Sa i përket vdekjes së ish pacientes së tij, Lila thotë se është tejet i lidhur emocionalisht me atë rast, teksa tregon se ajo ishte udhëzuar nga Spitali i Gjakovës që të dërgohej në QKUK në Prishtinë.
“Pacienten në fjalë e kemi udhëzuar të transferohet në Prishtinë për ekzaminime të mëtejme. Ka qenë insistim i ekipit të mjekëve nga Spitali i Gjakovës që pacientja të testohet për COVID-19.
Pas marrjes së lajmit që pacientja ka rezultuar pozitive në COVID-19, ekipi që kemi qenë kujdestarë atë natë jemi testuar,. 20 orët e daljes së analizës mu dukën si 20 vite pritje”, është shprehur ai.
Gruaja shtatzënë nga Gjakova humbi jetën ditën e djeshme. Ajo la pas dy fëmijë jetimë.
