AKTUALITET, 11 Qershor 2019, 20:55

120 vite burg bandës që u kap me 20 milionë paund kokainë në Britani, mes tyre dy shqiptarë (Foto+Emra)

16 anëtarë të një bande, të cilët akuzohen si pronarë të sasisë më të madhe të kokainës së kapur në Britaninë e Madhe, kanë dalë para gjykatës dhe janë dënuar me 120 vite burg në total.

Sipas raportimeve të medieve të huaja, mes të dënuarve ndodhen edhe dy shqiptarët Taulant Paja 22 vjeç dhe Islam Grana 27 vjeç, të cilët do të qëndrojnë në burg përkatësisht nga 6 dhe 7 vjet.

Policia britanike shkatërroi bandën, pas një hetimi 14-mujor si dhe me detektivë sekret që u futën në rrjetin e krimit të organizuar të udhëhequr nga Jamie Oldroyd. Nëse droga do të shitej në treg, do të shkonte me një vlerë prej 20 milionë paund.