TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një ngjarje e rëndë kriminale ka tronditur vendin ditën e sotme.
Një oficer policie, është vrarë me armë zjarri në Lezhë. Viktimë ka mbetur efektivi Saimir Hoxha, 44 vjeç, në zonën e Ishull Lezhë.
Mësohet se ky oficer, ishte pjesë e patrullës së Policisë që kontrollonin për kultivimin e kanabisit në zonën e Lezhës.
Autori i dyshuar i vrasjes, është 21-vjeçari Aldi Rama.
Efektivi ka marrë një plumb në zemër dhe ka ndërruar jetë rrugës për në spital.
Autori i dyshuar, Aldi Rama, nuk i'u dorëzua policisë dhe në zonën e Ishull Lezhë, pati një ndjekje disa orëshe të tij, deri kur ai u vetëplagos. Ai u transportua me plagë të rënda në urgjencë.
Detaje nga policia:
Rreth orës 10:30, në Ishull Lezhë, në rrethana ende të paqarta është qëlluar me armë zjarri në drejtim të grupit të kontrollit të territorit për parandalimin e kultivimit të bimëve narkotike.
Si pasojë është plagosur me armë zjarri oficeri i Krimeve në Komisariatin e Policisë Lezhë shtetasi S. H., 44 vjeç, i cili për pasojë të plagëve të marra ka ndërruar jetë gjatë rrugës për në spitalin Rajonal Lezhë.
U bë i mundur identifikimi i autorit të dyshuar të vrasjes së oficerit të Policisë në Komisariatin e Policisë Lezhë.
Autori i dyshuar është shtetasi Aldo Rama, 21 vjeç, i dënuar më parë për prodhim dhe shitje të narkotikëve dhe mbajtje pa leje të armëve të ftohta.
