VIDEO/ Momenti kur shpëtohen njerëz nën rrënojat e tërmetit tragjik në Turqi, mes tyre edhe gruaja shtatzënë

---

Ndërkohë që numri i viktimave nga tërmeti me magnitudë 6,8 ballë me epiqendër rajonin Sicrice në Elazığ të Turqisë është rritur në 22 persona ndërsa 1030 të tjerë janë të plagosur, shume njerëz janë ende nën rrënoja. Agjencia turke për Menaxhimin e Katastrofave dhe Emergjencave (AFAD) ka postuar pamje nga operacioni i kërkim shpëtimit, kur nga rrënojat janë nxjerrë njerëz që i kanë mbijetuar goditjes shkatërruese.

#Elazığ merkezde bulunan Mustafa Paşa mahallesinde görev yapan arama kurtarma ekiplerimiz iki kişiyi daha sağ olarak enkazından altından kurtarmıştır. pic.twitter.com/LZv2tbMJGC

— AFAD (@AFADBaskanlik) January 25, 2020

AFAD ka bërë të ditur se në rajon janë dërguar 235 mjete, 18 qen shpëtimi dhe gjithsej 1.167 personel për punimet e kërkim-shpëtimit nga institucionet si AFAD, ato të xhandarmërisë, njësive shëndetësore të Ministrisë së Shëndetësisë UMKE dhe të zjarrfikësve.

#Elazığ merkezde bulunan Mustafa Paşa mahallesinde görev yapan arama kurtarma ekiplerimiz bir kişiye daha sağ olarak ulaşmıştır. pic.twitter.com/7qgD3wIqvU

— AFAD (@AFADBaskanlik) January 25, 2020

Sipas Planit të Ndërhyrjes ndaj Katastrofave të Turqisë, nën koordinimin e AFAD-it janë vendosur në veprim me parimin e “punimeve 24 orë në 7 ditë” 28 grupe me qëllimin për të vazhduar punimet e kërkim-shpëtimit dhe mbështetjes së pandërprerë shëndetësore. Mediat i kanë quajtur “mrekulli” ato që po ndodhin në Elazig, ku ekipet e kërkimit dhe shpëtimit mes rrënojave kanë nxjerrë edhe një grua shtatzënë dhe një fëmijë që mbijetuan nën rrënojat në Malatya. Mediat turke shkruajnë se gruaja shtatzënë që mbeti nën rrënojat në fshatin Gezin të rrethit Maden të Elazig u shpëtua pas 12 orësh.