TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Përballja midis Milanit dhe Empolit nuk rezervoi surpriza. Djemtë e Gatuzos nuk lanë vend për diskutim, teksa fituan me rezultatin 3-0 dhe me një lojë dominuese nga minuta e parë në të fundit.
Pjesa e parë filloi me një gol të Paketas, por sistemi VAR anuloi festën e brazilianit duke sinjalizuar për një pozicion jashtë loje. Megjithatë, pjesa e dytë ishte një histori krejt ndryshe.
Piatek zhbllokon sfidën në minutën e 49-të, ndërsa Kesie dyfishon pas vetëm dy minutash. I mrekullueshëm sulmusi polak, i cili ka shënuar golin e katërt në po aq ndeshje si titullar në Serinë A me fanellën kuqezi, diçka që e kishte bërë për herë të fundit Oliver Bierhoff, 21 vite më parë.
Në të 67-ën Kastijeho çon shifrat në 3-0 falë një pasimi nga i rikthyeri pas një dëmtimi të rëndë Andrea Konti, i cili tregoi se jo më kot u shpenzuan mbi 20 milionë euro për kartonin e tij.
Milani fluturon, në javët e fundit ka pasur ritëm të çmendur dhe tashmë lutet që Interi e Roma të gabojnë, për ta bërë akoma më të bukur fundjavën.
GOLAT E NDESHJES
[video width="1280" height="720" mp4="https://cdnimpuls.com/tpz.al/wp-content/uploads/2019/02/01-1.mp4"][/video]
[video width="1280" height="720" mp4="https://cdnimpuls.com/tpz.al/wp-content/uploads/2019/02/02-2.mp4"][/video]
[video width="1280" height="720" mp4="https://cdnimpuls.com/tpz.al/wp-content/uploads/2019/02/03.mp4"][/video]
Piatek
Krzysztof Piatek, është ky idhulli i ri në San Siro, me Milanin që ka fshirë me shpejtësi kujtimin e hidhur të Gonzalo Higuainit dhe tashmë feston me supergolat e sulmuesit polak, vendimtar në çdo ndeshje.
Edhe sot ndaj Empolit supertalenti i blerë në janar shënoi një gol me shumë rëndësi, duke zhbllokuar një ndeshje të ftohtë, ndërsa më pas gjithçka u bë e thjeshtë për kuqezinjtë, që shënuan edhe golin e dytë pas dy minutash dhe vijuan të zbaviteshin, duke shënuar më pas golin e tretë me Kastijeho.
Për Piatek është gol rekordi, sepse ka shënuar në të katërta ndeshjet e para që ka luajtur titullar në Serinë A me fanellën e Milanit, duke barazuar kështu një sulmues të madh si Oliver Bierhoff, i cili ia doli mes shtatorit dhe tetorit 1998.
Që prej transferimit te Milani, Piatek ka shënuar 7 gola në 6 ndeshje mes kampionatit e kupës.
