Video/ Juventus nuk di të ndalet, likuidohet edhe Udineze

Juventus vijon me hapa të frikshëm në Serinë A. Triumfon në transfertën e Udinezes dhe çon serinë e fitoreve radhazi në tetë. 24 pikë të plota për bardhezinjtë dhe fitorja e dhjetë, në po kaq sfida zyrtare për këtë fillim sezoni. Ishte një ndeshje që u dominua tërësisht nga të besuarit e Alegrit, sidomos në fraksionin e parë. Gjithsesi për të parë golin e parë bardhezinjve iu deshën 33 minuta, ku Bentakur me një goditje me kokë dërgoi ekipin e tij në avantazh. 4 minuta më vone skena ishte e gjitha për Kristiano Ronaldon. Portugezi mori një pasim nga Manxhukiç në zonë dhe me një goditje të bukur shënoi golin e tij të katërt personal për këtë sezon. Pavarësisht problemeve të ditëve të fundit në media, prej çështjes së akuzave për përdhunim, Ronaldo duket se në fushë mbetet i njëjti. Pjesa e dytë ishte më së shumti një administrim i rezultatit nga “zonja e vjetër”, të cilët vijojnë të jenë ekipi për t’u mundur në Itali.

#ExBoca Rodrigo Bentancur scores his first goal for @juventusfc.

?@BezzerriSeba pic.twitter.com/Zgp2jw2e3J

— Boca in English (@CABJ_English) October 6, 2018

Udinese 0-2 Juventus
Goal by Cristiano Ronaldo
Assist from Mandzukic#UdineseJuve #CR7 #Juve pic.twitter.com/zVm77DmNax

— JUVENTUS FC (@chenhoo22) October 6, 2018