TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryedemokrati, Lulzim Basha është ndalur sot afër disa bizneseve në zemër të Tiranës siç tha në një video selfie të regjistruar nga vetë ai.
Ndërsa dëgjoi nga afër shqetësimet e qytetarëve, Basha deklaroi se kjo ishte beteja e vërtetë.
“Një nga zonat më të frekuentuara të qytetit është kjo, 1/3 e xhiros më pak në mes të Tiranës.
Nuk arrin dot të paguajë qiranë njëra, ndërsa zonja pronarja nuk merr dot qiranë. 60 biznese në ditë janë mbyllur.
Kjo është fushëbeteja e vërtetë, ky është fronti i vërtetë, kjo është drama e madhe”,- tregoi Basha.
Basha tha ndër të tjera se qytetarët duhet të bashkohen për të mirën e tyre dhe për një ekonomi më të fortë, për më shumë vende pune.
“Ne si PD në qendër të vëmendjes do kemi luftën ndaj varfërisë, ndërkohë që kryeministri harxhon mijëra euro për një udhëtim me charter që nuk na e tregon edhe pse ka shkuar.
Beteja e PD do fokusohet tek njerëzit. Ne kemi zgjidhje reale për qytetarët.
Ai e ka shkatërruar për 7 vite ekonominë dhe bizneset tani do të na kopjojë, por ju e shihni vetë si po zhytet ekonomia”,- u shpreh kryedemokrati.
Ndër të tjera Basha tha: “Të bashkohemi të gjithë për një ekonomi më të fortë, të ndihmojmë biznesin, konsumin dhe jo një grusht oligarkësh. Duam punësim për të gjithë dhe jo skllevër për pesë oligarkë”.
