TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Partia Demokratike ka bërë një sqarim lidhur me numrin e kandidatëve në lista.
Në një deklaratë, PD i referohet Kodit Zgjedhor dhe sqaron se ky kod lejon minimumi 177 kandidatë.
KQZ hoqi kandidatë nga lista, ndërsa PD deklaron se ky vendim i shërben PS.
Reagimi i PD:
Ka një keqkuptim ndër gazetarë, ku thuhet se numri i kandidatëve në lista duhet të jetë jo më shumë se 153.
Kodi zgjedhor lejon MINIMUMI 177 kandidatë. Më poshtë është citimi i Kodit dhe një shpjegim i thjeshtë i formulës. Prandaj, PD doli mbrëmë me qëndrimin se vendimi për të shkurtuar listën e koalicionit të PD i shërben PS.
Kodi zgjedhor
Neni 67
Pika 4
“Numri i kandidatëve në listën shumë emërore nuk mund të jetë më i vogël se numri i mandateve që do të zgjidhen në zonën zgjedhore përkatëse, shtuar dy. Në çdo rast, numri i kandidatëve në listën shumë emërore e duhet të jetë i plotpjesëtueshëm me numrin tre”
Shembull:
Nëse numri i mandateve është X, numri i kandidateve s’mund ëe jetë më i vogël se X+2.
Mbi këtë numër mund të shtohen të tjerë (Y), por nuk mund të zbritet poshtë numrit X shtuar 2 kandidatë.
Në çdo rast totali duhet i plotpjesëtueshëm me 3.
Totali X+2+Y, duhet në çdo rast të plotpjesëtohet me 3.
Kodi parashikon numrin minimal të kandidateve. Jo numrin maksimal. Numri maksimal nuk ka qenë asnjëherë i parashikuar nga Kodi.
MINIMUMI I KANDIDATËVE MUND TË JETË 177
