TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Qeveria Haradinaj ka gjashtë ministra me aktakuza në përbërje të saj. Kryeministri Ramush Haradinaj mund të jetë pyetur dhjetëra herë pse po vazhdon të mbajë në kabinetin e tij ministra me aktakuza. Ai nuk shkarkoi asnjë nga ta, pëkunrazi, emëroi edhe një ministër tjetër, me aktakuzë.
Endrit Shala është prurja më e re në Qeverinë e Kosovës. Ai u emërua ministër i Tregtisë dhe Industrisë, ndërsa ndaj tij është ngritur aktakuzë.
Janë edhe 5 zyrtarë të tjerë të lartë qeveritar me aktakuza, nisur nga zv.kryeministri Dardann Gashi, ministri i Infrastrukturës Pal Lekaj, ministri i FSK’së Rrustem Berisha dhe ministri i Inovacionit Besim Beqaj dhe ministri i Zhvillimit Ekonomik, Valdrin Lluka. Ky i fundit është shpallur i pafajshëm nga Gjykata Themelore e Prishtinës.
REL ka publikuar një grafikë me emrat e ministrave ndaj të cilëve janë ngritur aktakuza, bashkë me rastet për të cilat akuzohen zyrtarët shtetërorë.
