TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Armando Sadiku nuk do të jetë më pjesë e Bolivar.
Sulmuesi shqiptar i ka dhënë fund aventurës dhe po bëhet gati të rikthehet në Europë.
Futbollisti u prezantua në janar si blerje e bujshme, por në fakt rezultoi një dështim.
Sulmuesi 30-vjeçar nuk i bindi tifozët dhe gjatë qëndrimit të tij në tokën boliviane zhvilloi 15 ndeshje duke shënuar vetëm dy gola.
Një episod që ndoshta e largoi atë nga klubi ishte në ndeshjen ndaj Wilsterman kur Sadiku humbi penalltinë. Lojtari ka treguar aventurën me skuadrën e Bolivar dhe arsyeja pse çdo gjë shkoi keq.
“Këtu më ndodhi çdo gjë e keqe. Kështu është, përfundoi gjithçka. U sëmura.
Nuk isha kurrë në 100%”, shpjegoi Sadiku arsyen se pse nuk ia doli që të shprehej në maksimum te Bolivar ku do të kujtohet vetëm për dy golat e tij në kampionat.
Ai ka treguar se mungesa e familjes së tij në La Paz, ia kishte bërë gjithçka më të vështirë dhe ambientimi me lartësinë kishte qenë një problem më vete.
Një sëmundje në stomak pasi nuk u përshtat me ushqimin, ndikoi të gjithë përgatitjet e tij.
“Të them të vërtetën, mua më ndikoi shumë lartësia, nuk u përshtata kurrë këtu.
Më ndodhën të gjitha gjërat më të këqija, u sëmura, nuk dhashë kurrë 100% dhe për këtë më vjen keq. Bolivar është një klub i madh, shpresoj që të shpallen kampionë.
Do ta mbaj gjithmonë në zemër, më vjen keq që nuk mund të jepja gjithçka, por kështu janë gjërat”, theksoi sulmuesi i cili u kërkoi falje edhe tifozëve që nuk kishte mbajtur dot premtimet.
