TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Roja Bregdetare Indiane ka humbur kontaktin me anijen “Ocean Winner”, me flamur panamez, e cila është mbytur në brigjet lindore të Indisë.
Anija kishte në bord 24 anëtarë ekuipazhi, mes tyre 20 shtetas kinezë, tre shtetas të Myanmarit dhe një shtetas të Bangladeshit, bëri të ditur admirali Amit Uniyal, zëdhënës i Rojës Bregdetare Indiane.
Deri më tani, autoritetet kanë arritur të shpëtojnë vetëm dy persona, të cilët u gjetën në varkat e shpëtimit. Fati i 22 anëtarëve të tjerë të ekuipazhit mbetet ende i panjohur.
“Ocean Winner” po transportonte xeheror hekuri në momentin kur u mbyt. Shkaqet e incidentit nuk janë bërë ende të ditura.
Autoritetet indiane kanë aktivizuar operacionin e kërkim-shpëtimit, ndërsa ekipet e Rojës Bregdetare vijojnë kërkimet në zonën ku u raportua mbytja e anijes.
Për momentin, prioriteti i autoriteteve është gjetja dhe shpëtimi i anëtarëve të tjerë të ekuipazhit, ndërsa pritet që në vijim të zbardhen edhe rrethanat që çuan në mbytjen e anijes.
