TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një tjetër vrasje me armë zjarri është regjistruar mesnatën e kaluar në fshatin Fier i Ri në Lushnje.
Sofokli Shani 57-vjeç si pasojë e një konflikti të çastit dyshohet se ka qëlluar për vdekje 62-vjeçarin Rako Qorri.
I plagosur ka mbetur dhe djali i tij shtetasi Kejdi Qorri 31-vjeç, i cili ndodhet në spitalin e Lushnjes nën kujdesin e mjekëve.
Pas ngjarjes shërbimet e Komisariatit të Policisë Lushnje, kanë bërë të mundur edhe kapjen e autorit të dyshuar, Sofokli Shani, 57-vjeç banues në fshatin Krutje e Sipërme.
Policia gjithashtu ka sekuestruar në cilësinë e provës materiale armën e zjarrit tip ‘automatik’ me të cilën dyshohet se autori kreu krimin.
Grupi hetimor nën drejtimin e Prokurorisë ndodhet në vendngjarje dhe po punon për zbardhjen e plotë të rrethanave.
Njoftimi i policisë:
Kapet nga Policia disa minuta pas kryerjes së krimit autori i vrasjes së 62-vjeçarit dhe plagosjes së djalit të tij në fshatin Fier i Ri, Lushnjë.
Në datë 02.06.2021, rreth orës 23:47, në fshatin Fier i Ri, Lushnjë, shtetasi S.Sh, si pasojë e një konflikti të çastit në lokalin në pronësi të shtetasit R. Q., ka vrarë me armë zjarri shtetasin R. Q., 62 vjeç dhe ka plagosur djalin e tij, shtetasin K. Q., 31 vjeç, i cili ndodhet në spitalin e Lushnjes nën kujdesin e mjekëve.
Menjëherë shërbimet e Komisariatit të Policisë Lushnjë kanë shkuar në vendngjarje dhe falë reagimit në kohë dhe punës së mirëorganizuar, bënë të mundur kapjen e autorit të dyshuar të ngjarjes, shtetasin S. Sh., 57 vjeç, banues në fshatin Krutje e Sipërme.
Gjithashtu Policia ka sekuestruar në cilësinë e provës materiale armën e zjarrit automatik me të cilën dyshohet se autori kreu krimin.
Grupi hetimor nën drejtimin e Prokurorisë ndodhet në vendngjarje dhe po punon për zbardhjen e plotë të rrethanave të ngjarjes.
