TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ferit Keta vazhdon të jetë i pamposhtur në ringun profesionisti ku prej tre vitesh garon në peshën cruiserweight. Boksieri shqiptar ka arritur suksesin e tij të 12 në po aq ndeshje të zhvilluara si profesionist duke konfirmuar formën e mirë që po kalon dhe pretendimet që ka për të synuar nivelet më të larta të këtij sporti.
Keta përballej me argjentinasin Emilio Zarate, i cili kishte më shumë eksperiencë pasi kishte zhvilluar më shumë se 40 ndeshje si profesionist. Megjithatë, boksieri shqiptar ka treguar epërsinë e tij që në raundin e parë të sfidës së zhvilluar në Moralzarzal, në rrethinat e Madridit.
Breshëria e grushteve të Ketës solli edhe ndalimin e sfidës në raundin e pestë të saj, për KO teknik, duke i dhënë një sukses të rëndësishëm boksierit shqiptar i cili tashmë mund të bëjë hapa para në renditjen botërore të cruiserweight dhe të kërkojë kundërshtarë e objektiva më prestigjioz.
