TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Duke komentuar bisedën telefonike të kryeministrit Edi Rama për Damian Gjiknurin nëse do të shkaktonte “tërmet” me votat në Vlorë, kandidatja e LSI-së në këtë qark, Anxhela Shenaj, thekson se dëshpërimi nga humbja e zgjedhjeve, po e shtyn mazhorancën nga marrëzia në marrëzi.
Shenaj, e cila është edhe zëdhënëse e grupit të kandidateve të kësaj partie, thekson se asnjë gjuhë mafioze nuk i tremb vlonjatët.
Reagimi:
“Frika dhe dëshpërimi prej humbjes, po e shtyn tufën e kriminelëve të pushtetit të identifikuar me vjedhësin e votava Damian Gjiknuri nga marrëzia në marrëzi.
Me një gjuhë rrugësh dhe fyese e poshtëruese për qytetarët vlonjatë, Edi Rama dhe Gjiknuri nën thirrjet “termet-termet” kujtojnë refrenin e vjedhjes së votave në Dibër, me shpresë se mund t’u japë zemër bandave të pushtetit!
Mirëpo harrojnë këta të mjerë se asnjë gjuhë e koduar sipas kodeve të komunikimit të mafies, nuk mund t’i trembë vlonjatët të vendosur ta shporrin ramëzinë dhe gjithë tufën e tij!
Jo “tërmet – tërmet”, por “qamet – qamet” do të jetë 25 prilli për rilindasit e krimit, të cilët nuk do të gjejnë vend ku të futen prej zemërimit dhe ndëshkimit popullor.
