TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Mes njerëzve që kanë shkuar për t’i dhënë ndihmë të plagosurve nga sulmi i djeshëm me furgon në Toronto ishte edhe Bes Kondi, shqiptar i cili konsiderohet si ‘hero’ nga mediat kanadeze.
Ai rrëfeu për ‘Toronto Star’ se ka lënë zyrën dhe ka vrapuar për të dhënë ndihmën ndaj të plagosurve të cilët ishin të shtrirë në rrugë. Shqiptari ka rrëfyer edhe fjalët e njërit prej të plagosurve, i cili rënkonte dhe thoshte “çka ndodhur, çka ndodhur”.
“Kisha parë përmes TV ngjarje të tilla në Francë apo Gjermani, por kurrë nuk e kisha menduar që një situatë të ngjashme do ta përjetoja drejtpërdrejt këtu” – është shprehur shqiptari.
Kryeqyteti i Kanadasë, Toronto u trondit dje si pasojë e një sulmi me furgon nga i cili mbetën 10 të vdekur dhe 15 të plagosur. Agresori është identifikuar si Alek Minassian 25 vjeç i cili sulmoi me furgon njerëzit duke lënë shumë prej tyre të vdekur.
Bes Kondi, i lindur në Tiranë, ka emigruar në Kanada së bashku me prindërit dhe vëllain, Gazmendin, kur ishte vetëm 14 vjeç. Prej dy vitesh ai punon si menaxher pranë Kompanisë DEL Property Management.
(Bes Kondi)
