TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Zhoze Murinjo po bëhet gati t’i japë lamtumirën Benfikës dhe të nisë etapën e tij të re si tekniku i Real Madrid. Pas mbylljes së kampionatit portugez i pamposhtur, por në vendin e tretë, takimi i tij i sotëm me presidentin e klubit, Rui Kosta, pritet t’i japë fund etapës së tij në këtë klub.
Murinjo ka kontratë deri në verën e vitit 2027 me Banfikën, por kishte vendosur në të një klauzolë që i mundësonte largimin nëse do të paguante 7 milionë euro. Një shifër të cilën Real Madrid ka vendosur ta paguajë dhe për këtë arsye, Murinjo pritet t’i komunikojë sot Rui Kostas vendimin e tij.
Sa i përket zyrtarizmit të Murinjos si trajneri i ri madrilenëve, ai pritet të ndodhë të dielën më datë 24, pasi të shtunën deri në mesnatë në klub pritet dorëzimi i dokumentacionit për kandidatët për president të Real Madrid në zgjedhjet që ka shpallur Florentino Perez. Nëse nuk paraqitet askush tjetër përvecc Perez, zgjedhja e tij bëhet automatike dhe kësisoj, Murinjo do të prezantohet si tekniku i ri.
Parashikohet që më datë 26 të bëhet edhe prezantimi tij në Valdebebas me firmën përkatëse deri në verën e vitit 2028. Murinjo kësisoj do të kthehej për etapën e dytë te madrilenët, me të cilët mes viteve 2010-2013 fitoi një kampionat, një Kupë Mbreti dhe një Superkupë të Spanjës.
