TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
“Abissnet Superiore” luan javën e saj të 23-të, me gjashtë skuadra që zbresin në fushë ditën e sotme.
Dueli që spikat më së shumti është ai i orës 13:00, midis Kukësit dhe Partizanit. Verilindorët i kanë “mace të zezë” të kuqtë dhe për këtë arsye do të duan ta mundin në mënyrë që të largohen dhe nga zona e ftohtë. Gjithsesi skuadra e Kolelës është në luftë për titull dhe do të bëjë çmos për të marrë pikët maksimale nga ky takim.
Po në këtë orë, Bylisi pret në shtëpi Egnatian. Rrogozhinasit janë në luftë për të kapur Europën, ndërsa nga ana tjetër ballshiotët duan tre pikët e radhës për të mbijetuar.
Në orën 16:00, në “Niko Dovana”, Erzeni pret Laçin. Shijakast janë gjithashtu në luftë për Europën, ndërsa kurbinasit duan të rikthehen te fitorja në mënyrë që të futen në garë për të njëjtin objektiv.
NDESHJET:
KUKËSI – PARTIZANI 13:00
BYLIS – EGNATIA 13:00
ERZENI – LAÇI 16:00.
