LEXO PA REKLAMA!

SHKARKO APP

App Store
Google Play
MERR NJOFTIME NGA TPZ.AL
NDIQ TPZ NE YOUTUBE NDIQ TPZ NE FACEBOOK

TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.

FLASH!

SPORT, 10 Nëntor 2024, 22:56

Raste dhe gola, por pa fitues, Inter dhe Napoli ndajnë pikët në "Giuseppe Meazza"

TPZ
Raste dhe gola, por pa fitues, Inter dhe Napoli ndajnë pikët në

Interi ka dalë barazim 1-1 ndaj Napolit në kuadër të javës së 12-të në elitën e futbollit italian.

Fillimi i ndeshjes ishte mjaft i qetë me të dyja skuadrat që po luanin me kujdes duke pritur ndonjë gabim eventual të njëra-tjetrës.

Interi ishte superior pothuajse gjatë tërë kohës sa i përket posedimit të topit, por duke mos arritur që të krijojnë ndonjë rast të rrezikshëm për gol.

Mysafirët ia dolën që të kalojnë në avantazh në minutën e 23-të përmes Scott McTominay, i cili u asistua nga Amir Rrahmani për rezultatin 1-0.

Reagimi i Interit erdhi pak minuta pa përfunduar pjesa e parë, me Hakan Calhanoglun që realizoi një gol të bukur për 1-1.

Vendasit iu afruan golit në minutën e 52-të përmes Federico Dimarcos por topi u ndal nga shtylla e djathtë e portës.

Rastin më ideal në këtë sfidë e pati Hakan Calhanoglu, i cili në minutën e 74-të dështoi që të shënojë nga penalltia.

Deri në fishkëllimën e fundit të gjyqtarit, nuk pati ndonjë rast për t’u veçuar dhe të dy skuadrat u desh të pajtoheshin me nga një pikë.

Pas javës së 12-të Napoli kryeson tabelën me 26 pikë të grumbulluara, një më shumë se Interi që mban pozitën e katërt në renditje.

Lojtari më i mirë në këtë ndeshje sipas Sofascore ishte Nicolo Barella i cili u vlerësua me notën 7.7 për paraqitjen e tij.

Ndeshje të mirë tek Interi patën gjithashtu edhe Alessandro Bastoni (7.5), Francesco Acerbi (7.3) dhe Benjamin Pavard (7.2).

Tek Napoli lojtari më i vlerësuar ishte Khvicha Kvaratskhelia me notën 7.5, teksa edhe kapiteni i Kosovës, Amir Rrahmani, pati një ndeshje të mirë duke u vlerësuar me notën 7.1.