TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Reims dhe Lilë kanë përjetuar momente ankthi në stadium në ndeshjen mes tyre në Ligën 1 në Francë. Një përplasje e dhunshme ka lënë pa ndjenja në fushë Angel Gomez dhe është dashur për shumë minuta ndihma e mjekëve që ai të largohej me ambulancë dhe ndeshja të rifillonte pas 35 minutash ndërprerje.
Në minutën e 18 të duelit, Gomez i Lilës u hodh në një duel ajror, por u përplas me shpatullën e Kone të vendasve, duke rënë menjëherë në tokë dhunshëm e duke përfunduar pa ndjenja.
Të gjithë lojtarët ndërhynë me shpejtësi për ta ndihmuar dhe ishte futbollisti Kabela ai i cili vrapoi për të sjellë maskën e oksigjenit se ndihma po vononte. Për shumë minuta në fushë mbretëroi kaos, derisa u bë e ditur se Gomez ishte i ndërgjegjshëm dhe se po përpiqeshin thjesht ta transportonin në ambulancë pa shkaktuar probleme.
Vetëm pasi lojtari u largua nga fusha, skuadrat vendosën të rifillonin lojën, pas një shtyrje që zgjati 35 minuta, ndërsa Kone ishte ndëshkuar me karton të kuq.
