TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kristiano Ronaldo apo Lionel Mesi, cili nga të dy yjet është më i zoti se tjetri?! Ka qenë ky një nga debatet më të mëdhenj në mbi dhjetë vitet e fundit në botën e futbollit. Të dy futbollistët e sipërpërmendur ia kanë dalë të thyejnë rekord pas rekordi, duke bërë që gjithnjë fokusi të jetë mbi ata.
Në këtë formë, opinioni sportiv gjithnjë është ndarë në dysh teksa një pjesë vlerëson më shumë punën e madhe të Ronaldos, ndërsa një pjesë tjetër, Messin për talentin e tij. Së fundmi, rreth temës "Mesi" apo Ronaldo ka folur edhe Zherard Pike, shok me argjentinasin për shumë vite te Barcelona.
Mbrojtësi tregon se Ronaldo dhe Mesi janë shumë të ndryshëm, teksa thekson se portugezi është më i miri mes njerëzve, ndërsa “pleshti”, thjesht nuk është human me ato që bën në fushë.
“Ata të dy janë të mrekullueshëm, po flasim për dy lojtarët më të mirë në historinë e futbollit. E kam thënë gjithnjë se Messi ka një talent që nuk e kanë të tjerët, ai ia del ta kontrollojë shumë mirë topin kur e ka në kontroll dhe asnjëherë nuk e ka më shumë se dy metra larg topin nga këmba. Është e pamundur ta kapësh, unë nuk kam parë asnjë tjetër ta bëjë këtë.
Nga ana tjetër, Ronaldo është ndryshe. Është më i kompletuar fizikisht, mund të shënojë në të gjitha mënyrat, me kokë, nga distanca, me driblim, penallti apo goditje dënimi… Por, për mua Messi nuk është human, ndërsa Ronaldo është më i miri i humanëve”, theksoi Pike.
