TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ka nisur grumbullimi i qytetarëve në sheshin “Skënderbej”, nga ku do të nisë edhe dita e 15 e protestës qytetare me kërkesë kryesore largimin e qeverisë dhe dorëheqjen e kryeministrit Edi Rama. Pas grumbullimit nis marshimi i protestuesve drejt Kryeministrisë, ku në sheshin para godinës mbahen fjalimet e qytetarëve, ku shprehen pakënaqësitë ndaj kastës politike.
Tirana prej 14 ditësh ka qenë nën "pushtetin" e protestuesve. Përveç Tiranës, protestat janë shtrirë edhe në qytete të tjera në Shqipëri, të cilët njëzëri kërkojnë largimin e Ramës.
Një ditë më parë u mbajt tubimi më i madh deri tani, me një pjesëmarrje rekord, që ka kaluar çdo pritshmëri. Të rinj, të reja, prindër me fëmijë, të moshuar, janë në protestë duke shprehur pakënaqësitë e tyre dhe padrejtësitë që iu janë bërë nga kjo qeveri dhe kjo klasë politike.
Mesazhi është i qartë “Rama jep dorëheqjen”. Gjithashtu akuza të forta nga protestuesit janë hedhur edhe ndaj opozitës.
Protesta do vijojë edhe gjatë ditës së sotme në orën 18:00, organizimi bëhet te sheshi Skënderbej dhe më pas vijon marshimi drejt Kryeministrisë.
