TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Botërori 2026 ka prodhuar sot surprizën e parë të madhe të turneut. Zvicra, një nga favoritët për të kaluar grupin, është ndalur në një barazim 1-1 përballë Katarit, skuadrës që konsiderohej ndër më modestet e Grupit B.
Helvetët dominuan pjesën më të madhe të sfidës dhe kaluan në avantazh në pjesën e parë, kur Frojler fitoi një penallti që u shndërrua në gol nga Embolo.
Kur gjithçka dukej se po shkonte drejt një fitoreje që do ta ngjiste Zvicrën në krye të grupit, Katari goditi në momentin më të papritur. Në minutat shtesë, Khoukhi shfrytëzoi një krosim nga e djathta dhe me një goditje të saktë me kokë mposhti portierin zviceran, duke vulosur barazimin 1-1.
Një pikë me vlerë të madhe për Katarin dhe një hap fals për Zvicrën, teksa Grupi B mbetet plotësisht i hapur dhe çdo llogari për kualifikimin mbetet ende në lojë.
