TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ousman Dembele u shpall në natën e të hënës fituesi i “Topit të Artë” për vitin 2025 dhe kjo do të thotë që në verën e vitit të ardhshëm, në Kupën e Botës, do të jetë ai mbajtësi në fuqi i këtij trofeu. Dhe për Francën, ky është një lajm shumë i keq.
Dembele dhe përfaqësuesja e Francës, përballen kësisoj me atë që cilësohet si mallkimi më i madh që ekziston me “Topin e Artë” dhe yjet e shumtë të futbollit botëror që e kanë fituar ndër vite. Në historinë e Kupës së Botës, ekipi që kishte në radhët e tij fituesin në fuqi të “Topit të Artë”, nuk ka fituar kurrë trofeun në atë edicion.
U ka ndodhur edhe më të mëdhenjve të futbollit botëror, të cilët kanë zhgënjyer me përfaqësueset e tyre në këtë aktivitet dhe kanë parë të dështojë ëndrra për trofeun e lakmuar. Askush nuk e ka thyer këtë mallkim dhe tashmë pritet të jetë radha e Dembele dhe Francës që të vuajnë prej tij.
