TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Siguria rrugore vijon të jetë një nga çështjet problematike dhe që kërkon më shumë vëmendjen e autoriteteve.
Vetëm ditën e sotme në vend janë shënuar disa aksidente, ku për pasojë një person ka humbur jetën.
Përveç respektimit të rregullave nga drejtuesit e automjeteve, siguria rrugore është një tjetër element i rëndësishëm për shmangien e tyre.
Projektimi i rrugëve me elementet e duhura të sinjalistikës do të ndihmonte në parandalimin e aksidenteve dhe për pasojë edhe humbjen e jetëve.
Një i mitur është aksidentuar nga autobusi i linjës “Vorë” mbrëmjen e sotme në Tiranë. 17 vjeçari ndodhet në spital në kujdesin e mjekëve.
ora: 19:12 Aksident në Tiranë, autobusi përplas të miturin
Një aksident është regjistruar mbrëmjen e sotme në rrugën “Dedë Gjo Luli” në Tiranë.
Mësohet se autobusi i linjës së “Vorës” me targa “AA 829 YG” ka përplasur një të mitur i cili po lëvizte me biçikletë.
I aksidentuari është dërguar në spital dhe ndodhet nën kujdesin e mjekëve.
Ndërkohë grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të aksidentit.
Tiranë/Informacion paraprak
Më datë 06.07.2020, rreth orës 18:35, në rrugën “Dedë Gjo Luli”, mjeti autobuz me drejtues F.G., ka aksidentuar biçiklistin, shtetasin e mitur me iniciale G.R., 17 vjeç, i cili ndodhet në spital, nën kujdesin e mjekëve.
Grupi hetimor dhe sherbimet e Policisë ndodhen në vendngjarje dhe vijon puna për zbardhjen e rrethanave të ngjarjes.
ora: 19:58 Aksident në Qafë-Kashar, përmbyset automjeti, plagoset 59-vjeçarja
Një tjetër aksident është regjistruar mbrëmjen e sotme. Mjeti ka dalë nga rruga dhe për pasojë është përmbysur. Si pasojë e aksidentit ka mbetur e plagosur pasagjerja T.K, 59-vjeç.
Policia njofton se e aksidentuara ndodhet në spital nën kujdesin e mjekëve. Mësohet se aksidenti ka ndodhur nga Qafë-Kashari në drejtim të Rinasit.
Ndërkohë grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të aksidentit.
Tiranë/Informacion paraprak
Më datë 06.07.2020, rreth orës 19:15, nga Qafë-Kashari në drejtim të Rinasit, mjeti me drejtues shtetasin S.H., ka dalë jashtë rrugë, për pasojë është përmbysur mjeti dhe është dëmtuar pasagjerja në mjet shtetasja T.K., 59 vjeçe, e cila ndodhet në spital, nën kujdesin e mjekëve.
Grupi hetimor dhe sherbimet e Policisë ndodhen në vendngjarje dhe vijon puna për zbardhjen e rrethanave të ngjarjes.
ora: 20:01 Automjeti përplaset me murin, një viktimë dhe një i plagosur në Shkodër
Një aksident i rëndë ka ndodhur pasditen e së hënës në rrugën Shkodër-Bardhaj. Njoftohet se rreth orës 17:20, drejtuesi i një automjeti tip “Alfa Romeo” ka humbur kontrollin dhe është përplasur me një mur.
Për pasojë një 28-vjeçare me inicialet L. H. ka ndërruar jetë në Spitalin Rajonal Shkodër. Ndërsa i plagosur ka mbetur 42-vjeçari D. K., që po merr kujdes shëndetësor në spital. Po punohet më tej për zbardhjen e ngjarjes.
Shkodër/Informacion Paraprak
Më datë 06.07.2020, rreth orës 17:20, në rrugën Shkodër-Bardhaj vendi quajtur ura e Bardhajve, mjeti me tip Alfa Romeo, ka humbur kontrollin mbi mjetin duke u përplasur me një mur, si pasojë ka dëmtuar dy shtetas në trotuar të cilët janë L. H. 28 vjeçe e cila ka ndërruar jetë në Spitalin Rajonal Shkodër, si dhe është dëmtuar shtetasi D. K. 42 vjeç, i cili po merr mjekim në Spitalin Rajonal Shkodër.
Në vendngjarje ndodhen shërbimet e policisë dhe grupi hetimor për sqarimin e rrethanave të aksidentit si dhe po punohet për kapjen e drejtuesit te mjetit i cili është larguar nga vendi ngjarjes.
ora 20: 50 Përmbyset kamioniçina në Llogara
Përmbyset kamionçina. Ngjarja mësohet se ka ndodhur në Llogara.
Ende nuk dihen shkaqet që kanë sjellë përmbysjen e kamionçinës, por siç shihet edhe nga foto në vendngjarje ndodhen forca policie.
