BOTA, 13 Janar 2018, 15:46

Si i shpëtoi atentatit Mbretëresha Elizabetë në Zelandën e Re

Një raport i publikuar së fundmi, zbulon se në vitin 1981, Mbretëresha e Anglisë, i ka shpëtuar një atentati gjatë një vizite të saj në Zelandën e Re.

Në momentin që Mbretëresha doli jashtë makinës së saj "Rolls Royce", një djalë 17 vjeçar, ka qëlluar në drejtim të saj. Plumbi ka kaluar shumë pranë kokës së Mbretëreshës.

Turma nuk e kuptoi çfarë ndodhi dhe Mbretëresha vazhdoi të ecte në paradën e organizuar.

Mësohet se policia e Zelandës së Re, e turpëruar nga ngjarja, u mundua ta fshehë atë duke e konsideruar një incident të vogël pa rëndësi. Por dokumentat e publikuara, tregojnë se në fakt kemi të bëjmë me një atentat ndaj Mbretëreshës.

Burimi: Daily Mail / TPZ.AL

Në foto: Atentatori, Christopher Lewis