TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Policia italiane në Pistoia ka arrestuar një shqiptar 34 vjeç nën akuzën e trafikimit të lëndëve narkotike. Ai u arrestua pasi dyshohet se ka trafikuar kokainë.
Mediat italiane shkruajnë se në pranga ka rënë shtetasi nga Shqipëria me inicialet A.M 34 vjeç, banues në Firence. Shqiptari u arrestua ndërsa ishte duke shëtitur në qendër të qytezës së Pistoias, shkruajnë mediat e vendit fqinj.
Karabinierët kanë sekuestruar makinën e shqiptarit që ishte marrë me qira dhe në të kanë gjetur 10 mijë euro të gatshme. Paratë dyshohet se janë përfituar nga aktiviteti kriminal i trafikut të kokainës.
Më pas në shtëpinë ku banonte, në Firence, policia gjeti edhe materiale të cilat i duheshin shqiptarit për të kryer aktivitetin e jashtëligjshëm. Forcat policore gjetën aty peshore, kokainë dhe të tjera pajisje që duheshin për trafikim të lëndëve narkotike, por edhe 20 mijë euro të tjera. Gjykatësi i çështjes vendosi të linte shqiptarin në “arrest shtëpie”.
