TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Sulmi terrorist në Nju Jork u ka marrë jetën 5 miqve nga Argjentina. Tetë persona humbën jetën dhe 11 të tjerë u plagosën nga sulmi i një kamioni i cili goditi njerëzit që po kalonin në një rrugë të Manhatanit.
Kush ishin viktimat?
Kanë mbetur të vdekur pesë miq argjentinas , përgjigje kjo që u konfirmua edhe nga Ministria e Jashtme e vendit. Ata ishin pjesë e një grupi prej 10 miqsh, dhe kishin ardhur në Nju Jork për të festuar 30-vjetorin e diplomimit të tyre.
Ministria e Jashtme e Argjentinës deklaroi se ata ishin rreth 49 vjeç dhe i indetifikoi si Diego Enrique Angelini, Alejandro Damian Pagnucco, Ariel Erlij dhe Hernan Ferruch.
Tri ditë zieje janë shpallur në qytetin e tyre të lindjes , ndërkohë që Presidenti Mauricio Macri shprehu "ngushëllimet e tij të thella" për familjet e viktimave në Twitter.
Një shtetas belg mbeti gjithashtu i vrarë , tha ministri i jashtëm i Belgjikës.
Ndërkohë dy viktima të tjera nuk janë identifikuar ende.
Përgjegjësi i sulmit të kryer është një 29-vjeçar, i cili raportohet të jetë një emigrant uzbek që u qëllua dhe u plagos nga policia ndërsa po largohej nga automjeti.
Presidenti Donald Trump ka urdhëruar Departamentin e Sigurisë Kombëtare që të "rrisë" masat e verifikimit të emigrantëve, pas sulmit.
TPZ.AL
