LEXO PA REKLAMA!

SHKARKO APP

App Store
Google Play
MERR NJOFTIME NGA TPZ.AL
NDIQ TPZ NE YOUTUBE NDIQ TPZ NE FACEBOOK

TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.

FLASH!

SPORT, 1 Gusht 2021, 16:21

Shevchenko ikën nga kombëtarja e Ukrainës, kjo është arsyeja

TPZ
Shevchenko ikën nga kombëtarja e Ukrainës, kjo është
Andriy Shevchenko nuk është më trajner i Ukrainës. Ish-sulmuesi i famshëm i Milan, Chelsea dhe Dinamo Kiev, është larguar nga detyra pas pesë viteve të kaluara në stolin e kombëtares së tij. 44-vjeçarit i përfundoi kontrata dhe palët kanë zgjedhur për t’u ndarë mes tyre, duke mos rinovuar. Sheva ka bërë publike ndarjen me anë të një postimi në rrjetet sociale. Ish-fituesi i “Topit të Artë” (2004) drejtoi ekipin si trajner nga korriku i vitit 2016 (52 ndeshje), duke ia dalë të dërgojë Ukrainën në çerekfinalet e Euro 2020.
 
View this post on Instagram
 

A post shared by Andriy Shevchenko (@andriyshevchenko)

“Sot përfundoi kontrata ime me drejtuesit e Federatës së Futbollit të Ukrainës. Kam kaluar pesë vite si trajner i kombëtares. Kemi zhvilluar një punë të madhe, teksa treguam se jemi në gjendje të luajmë një futboll modern. I jam mirënjohës presidentit të Federatës dhe Komitetit Ekzekutiv për mundësinë që më dhanë të punoja me skuadrën kombëtare të Ukrainës. Falënderoj çdo futbollist dhe çdo person që ishte i përfshirë në skuadër. Shumë falënderime edhe për tifozët, për mbështetjen dhe kritikat e tyre. Së bashku, ne treguam se futbolli ynë mund të jetë konkurrues, produktiv dhe emocionues", shkruan në rrjetet sociale Andriy Shevchenko.