TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryetari i LZHK-së, Dashamir Shehi, tha se protesta është rruga e vetme që i ka lënë kryeministri Rama. I ftuar në studion e lajmeve në "Ora News", ai tha se, protesta e 16 shkurtit do të jetë një protestë jashtë radhe.
"Unë gjykoj që është një protestë jashtë radhe, edhe populli opozitar kështu duhet ta kuptojë, është jashtë radhe, është e veçantë, është finale në një farë mënyre. Kemi shpallur që pa u larguar ky nuk i largohemi protestës", tha deputeti Shehi.
Shehi doli hapur kundër Kodit Zgjedhor, për të cilin tha se edhe nëse PD-ja e voton, ai nuk do ta votojë.
"Do të thuash ti po ç'vlen vota jot, ata e votojnë bashkë?! Vlen për disidencë, vlen për ti shpjeguar shqiptarëve që ka dhe pozicione të tjera. Shqiptarëve në përgjithësi dhe shqiptarëve të majtë, sepse edhe ata duan që të ngrënë një sistem meritokracie. Ata duan që mos tallet Rama. Sepse ditën që do të votohet me maxhoritar, me listë të hapur, do bëhet një rrjesht edhe socialistësh dhe Rama nuk mund të tallët më pastaj. Sot mund të tallen të gjithë kryetarët", tha Shehi.
