TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pas dy vitesh protestash, studentët në Serbi po përgatiten të sfidojnë Aleksandar Vuçiçin në zgjedhjet parlamentare të së dielës, në atë që konsiderohet sfida më serioze ndaj tij gjatë 12 viteve në pushtet, të karakterizuara nga një qeverisje gjithnjë e më autoritare.
Sipas The Guardian, lëvizja studentore është organizuar në një forcë zgjedhore të quajtur “Lista Studentore”, e cila do të garojë me 250 kandidatë, me synimin për t’i dhënë fund kontrollit të Vuçiçit mbi politikën serbe.
Studentët shpresojnë të përsërisin humbjen që pësoi gjashtë muaj më parë në Hungarinë fqinje aleati i Vuçiçit, Viktor Orban. Një rezultat i tillë mund të shkaktojë një efekt domino dhe të nxisë një ringjallje demokratike në Europën Qendrore.
Sondazhet kanë paraqitur rezultate shumë të ndryshme, por shumë ekspertë vlerësojnë se gara mund të jetë e ngushtë. Sipas tyre, asnjëra palë nuk duket e gatshme ta pranojë humbjen si rezultat legjitim, çka rrit rrezikun e trazirave dhe përplasjeve pas zgjedhjeve.
Për të fituar, lista studentore me 250 kandidatë do të duhet jo vetëm të thyejë modelin tradicional të politikës serbe, por edhe të sfidojë kontrollin që Vuçiç ka vendosur mbi vendin.
Vuçiç dha dorëheqjen nga posti i presidentit muajin e kaluar, pesë muaj përpara përfundimit të mandatit të tij të dytë dhe të fundit, sipas Kushtetutës.
Megjithatë, sipas The Guardian, largimi i tij nga presidenca kishte si synim vazhdimin e qëndrimit në pushtet, këtë herë si kryeministër, në krye të Partisë Progresive Serbe (SNS).
